Kada Kurang Akal

 Si Utuh ni handak umpat tes pengangkatan jadi PNS. lnya ni lawas dah mahonor. lnya banazar kaya ini. 

Utuh : "mun ulun lulus tes di putaran pertama ne, ulun handak manyumbalih saikung sapi" jar nya pina musti dihadapan abahnya. 

Abah nya : " ba ingat2 tuh ai, haraga sapi tu kada murah, gajih ikm tu nang kada sabarapa tu, asa kada mungkin kawa manukar sapi " ujar nang abah mamadahi si utuh. 

Utih : "ayuja bah ai tanang ja pian." 

Pas putaran pertama, alhamdulillah, tamasuk sakali nya si Utuh ni. 

Lalu inya baucap pulang, "mun putaran nang kadua ni lulus pulang aku handak manyumbalih saikung ayam, ujar nya ba ucap di hadapan abah nya. Nang abah te badiam ja, karna inya banyak baingunan hayam, di pikir sidin, kada papa mangurbanakan saikung hayam gasan basalamatan, mun bujur si utuh lulus kena. 

Pas banar nasib baik masih berpihak ka utuh, lulus pulang inya. 

Pas tes yg penghabisan ba ucap pulang. 

si utuh : "yg terakhir ni, mun nya lulus pulang, aku handak manyuapi 40 anak yatim." ujar si Utuh pina nahap banar ba ucap. 

Dasar nasip baik si utuh nih, lulus pulang inya. 

Balalu ai nang si abah ba ucap : "nah tuh, lulus sdh kahandak ikm, tinggal ikm Iaksana kan nazar ikm tu, aku kawa manulungi manyambelih saikung ayam ja." 

"ayu ja baha ai, pian tanang haja", jar utuh manyahuti. 

lsuk nya, si utuh tulak ke tempat penyumbalihan sapi, lalu inya baucap, "kawa kah umpat manggani i manyumbalih sapi ni, saikung ja pang," 

"oh boleh banar" jar urang td manyahuti.

Imbah tuntung manyumbalih, bulik kai si utuh. Lalu di takuni leh nang abah, mana sapi nya. 

Jadi jar si utuh, "kan jar ulun manyubalih saiking sapi, kada manukar, nah td ulun ke tempat panymbalihan sapi, umpat jua manggani i manyumbalih saikung bujur ja kalu nazar ulun sdh di tunai kan." 

Tadiam abah nya, dalam hati sidin "bujur jua si utuh ne." 

Lalu melaksanakan najar kadua, sampai pelaksana an nazar nang katiga, 

"kaya apa" jar nang abah batakun. 

"Kena ulun nukar nasi sabungkus ulun suapi 40 anak yatim tunggal ikungan, jd tuntas sdh nazar ulun, ya kalu bah?" jar si utuh, sambil kukuring, maninggalakan abah nya nang tauling kapala malihat kalakuan nang anak, sambil baucap dalam hati : "dasar si utuh ni, kada kurang2 akal inya".