PERCAKAPAN ALDI LAWAN ABAHNYA

-

 


Aldi : “bah kayapa nah cara mambuat gajah ka dalam lamari?” 


Abahnya : ”wkwkw kada kawa nak ae, gajah dibuat dalam lamari” 


Aldi : “masa, keitu haja kada kawa lah bah” 


Abahnya : ”imbah... buat pang pian gajah ka dalam Iamari? camapa caranya?” 


Aldi : “gampang bah ae... tangkap gajahnya... buka Iawang Iamari,,, tarus tuh gajahnya dimasukakan tutup ae Iagi Iawang lamarinya" 


Abahnya : ”wkwkw.... damintu wara sakalinya,,.?” 


Aldi : “inggih keitu bah ae cara urang mambuat gajah ka dalam lamari.,,. ini pulang nah bah... kayapa cara mambuat kuda ka dalam Iamari” 


Abahnya :”buhahahahaha (lucut am abah Aldi tatawa) mun nang sakali ini sambil bapajam gin aku kawa manjawab... tangkap kudanya.. buka Iawang Iamari.. tarus tuh kudanya dimasukakan tutup ae Iagi Iawang lamarinya__qiqiqi iya luku?” 


Aldi: “jangan bapajam mata pang bah... salah pian... itu kada kawa masuk" 


Abahnya :”haah kanapa jadi kada kawa??? gajah nang taganal ja jer pian tadi tuh kawa masuk???" 


Aldi : “kada muat bah ae, tadi gajahnya masih dalam lamari kalu bah... jadi caranya bah ae.. buka lamarinya.. tarik kaluar dulu gajahnya... kudanya ditangkap... buat dalam lamari.. imbah tu hanyar ditutup" 


Abahnya :"ih damintu kah nak nang bujurnya” 


Aldi : “jawab Iagi bah |ah,,,amunnya kuda awan gajah balajuan bukah tadahulu nang mana bah sampai finis?” 


Abahnya :”nyee tee eii sudah tadahulu kuda” 


Aldi : “kepedean pian nih bah ae.., tapi salah jua,,, tadahulu gajah sampai bah ae” 


Abahnya :”haaww kanapa jadi bisa tadahulu gaiah nang sampai???


Aldi : “kudanya masih dalam lamari.. baluman dikaluarakanm” 


Abahnya :"sarah pian haja sudah,,, timbul mauk kapala abah nah" 


Aldi: “santai pang bah muha pian... dibawa batanag dulu bah ae,,,sakali Iagi bah lah?” 


Abahnya :"napanya pulang,,, heeeh hai lah” 


Aldi: "kayapa cara manimbang gajah uma wan gajah nang masih anakan halus sakira baratnya sama bah?” 


Abahnya :"kada masuk diakal tatakunan pian tu.. nyata ae nang uma tih labih ganal wan jua pasti labih barat.. jalas dah kadada caranya” 


Aldi: “nah iya Iu pian nih... kada buleh wani mamastiakan bedahulu tu bah ae... urang dipikirakan dulu bujur bujur hanyar pian baucap,,, caranya nih mudah banar padahal” 


Abahnya :”ayu pang pian... abah handak mandangar camapa caranya?" 


Aldi : "tinggal di photo haja.. nang uma gajah photo, anaknya gajah ya di photo jua.. pas photo ukuran 4 x 6.. tarustu ditimbang.. samaaa am bah ae....” 


Abahnya : (mancakar cakar ka tihang palataran, garigitan banar sudah sidin) 


Aldi : "Bah..... 


Abahnya :”apaaaah !!!” 


Aldi : “mun gajah awan kuda malamar bagawi siapa nang ditarima?” 


Abahnya :”tahu ah,,,.” (capat bapaling muha sidin) 


Aldi : “ulun padahi nah pian jawabannya.. nang diterima bagawi itu gajah bah ae”


Abahnya : (takajut Ialu babalik pulang mancangangi) “kenapa jadi bisa keitu” 


Aldi : "lamarannya gajah Iangkap ada pas photonya. tadi tuh gajah sudah diphoto. mun kuda baluman ada photonya. 


Abahnya :”iiiih hah sudah..... amun bapandir sakali Iagi Iah ikam nang kumasukkakan ka dalam lamari !!!” 



#jangan_kada_ingat_bahagia

 #maafamunkadamahibur

Komentar

Posting Komentar

Postingan populer dari blog ini

BINIKU katuju dipoligami

-
 BINIKU KATUJU DIPOLIGAMI Ulun kawin tahun 2000 ketika ulun berumur 27 tahun dan bini ulun berumur 23 tahun waktu itu.......  Di tahun kedua pernikahan kami, bini ulun menganjurkan untuk menikah lagi. Sebenarnya ulun sudah merasa cukup dengan satu bini haja....  Tapi bini ulun memaksa tarus...  Dan sampai-sampai menganalkan salajur melamarkan akhwat umur 21 tahun gasan ulun, statusnya janda anak 1, ditinggal mati laki.........  Singkat cerita kami pun menikah...  Dua jadi nya isi bini....  Kehidupan pun berjalan rukun, Sampai tahun keempat, kedua bini ulun sepertinya berkompromi, mereka memaksa ulun pulang gasan mencari bini yang ketiga...  Ulun bilang:  "Sudah gin, ulun cukup berbinikan kalian berdua haja, ulun merasa belum kawa adil, ulun takutan kalo jika ngini memberatkan hisab ulun kelak di akhirat ... .  Sudah cukup gin dua dah.. Jawab mereka:  "Kami Ridho ja, ... Kami merasa pian sudah adil selama ini, kami carikan madu lagi,...
Baca selengkapnya

Biografi imam Syafi'i

-
IMAM MADZHAB : 👳IMAM SYAFI'I R.A 👳Abu Abdullah Muhammad bin Idris asy-Syafi’i al-Muththalibi al-Qurasyi (bahasa Arab: أبو عبد الله محمد بن إدريس الشافعيّ المطَّلِبيّ القرشيّ) atau singkatnya Imam Asy-Syafi’i 🤱Lahir Ashkelon, Gaza, Palestina, 150 H/767 M. 🛌Wafat Fusthat, Mesir, 204 H/819 M). 👳Beliau adalah seorang mufti besar Sunni Islam dan juga pendiri mazhab Syafi’i. 👳Imam Syafi’i juga tergolong kerabat dari Rasulullah, ia termasuk dalam Bani Muththalib, yaitu keturunan dari al-Muththalib, saudara dari Hasyim, yang merupakan kakek Muhammad. 👳Saat usia 20 tahun, Imam Syafi’i pergi ke Madinah untuk berguru kepada ulama besar saat itu, Imam Malik. ✍️Dua tahun kemudian, ia juga pergi ke Irak, untuk berguru pada murid-murid Imam Hanafi di sana. 👳Imam Syafi`i mempunyai dua dasar berbeda untuk Mazhab Syafi’i. ☑️.Yang pertama namanya Qaulun Qadim ☑️. Yang kedua namanya Qaulun Jadid. 🤱*Kelahiran dan kehidupan keluarga. 1️⃣. 🤱Kelahiran 👳Idris bin Abbas menyertai istrinya dalam s...
Baca selengkapnya